Millət vəkili Fazil Mustafa adıçəkilən şirkətin Göyçay filialının yarıtmaz fəaliyyətini ifşa edən həmin faktları özünün sosial şəbəkə hesabında ortaya qoyub.
Tacxeber.az deputatın paylaşımına istinadən xəbər verir ki, sözügedən filialdan maşını vurulmuş İsmayıllı rayon sakini Ağayev Sahab Gülsahab oğluna 182 nömrəli qaynar xətdən 1020 manat veriləcəyi deyilib. Vətəndaşa (055) 205-73-15 nömrəli telefondan əlaqə üçün SMS də göndərilib.
Fazil Mustafa deyir ki, “həm də bu rəqəm hər iki tərəfə yarıbayarı ödənməlidir. Ayyarım keçib, yoxsul vətəndaş yüz dəfə kontur işlədib zəng edəndən sonra bildiriblər ki, veriləsi məbləğ 500 manatdır. Vətəndaş buna etiraz edib, sonra qaldırıblar 700 manata. Yəni cəmi 350 manat almalıdır. Adama hesab da açdırıblar, amma o məbləği də ödəmirlər. Vətəndaş maşın sürə bilmir ki, təmirə ehtiyacı var. Görünür, o 350 manatdan da umacaqları var”.
Deputat şirkətin bu özbaşınalığına etiraz edərək bildirib ki, görün, hər gün minlərlə vətəndaşı necə bezar edirlər.
